Ech be zwar no jong, aber ech darf bereits uf es erföllts Läbe zroggluege. Drom möcht ech Üch allne danke, wo mech i de vergangene 30 Johr uf mim Wäg begleitet, prägt ond onderstötzt hend. D’Omsetzig vo minere wöude Idee zu dere Websiite wär ohni zwöi vo Üch ned möglech gsi. Dene zwöi möcht ech speziell danke:
David Sommerhalder vo spiikr, de Agentur för starchi Botschafte, wo Text, Design ond Programmierig us einere Hand abietet:
D’Idee för d’Clips ond d’Gebortstagsiladig öber en Websiite esch vo mer. Die geniali Konzeption, Gstaltig ond Omsetzig esch s’Wärch vom David Sommerhalder. Ganz starch :-)!
Toni Wyss vo de Wyss-Hurni Filmproduktion met eme professionell igrechtete TV-Studio met Greenscreen ond Teleprompter:
S’Schniide ond Finalisiere vo de Clips han ech zwar säuber gmacht. Aber mine ehemaligi Chef Toni Wyss hed mer die geniale Föumufnahme im TV-Studio ermögleched ond mer wechtigi Tipps gäh, wien ech mech ächt ond natürlech cha in Szene setze. Grosses Kino :-)!